 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Як жа можна ў маёй хаце
Жыць долі,
Калі хлеба ёй ня хваце
I солі?
З маёй хаткі пацех мала,
Як з лому;
З страхі бура пазьдзірала
Салому.
На падпорах сьцены, шульле
Гнілыя;
Вецер чуць не перакуле,
Як вые.
А празь нізкія аконцы,
Як ночай,
Хоць бы глянуць ясна сонца
Ня хоча.
Вясна з голадам прыходзе
Заўсёды,
I благія шле разводзьдзе
Прыгоды.
Летам – праца, пот сплывае
Ракою.
Што засею – град зьбівае
Бяз бою.
Прыйдзе восень, золка стане –
Час цяжкі;
Па пустым таку б’е зраньня
Цэп важкі.
А зімой завеі ў полі
Гуляюць,
Хаўтуры па маёй долі
Спраўляюць.
[1906–1910]
|
|
|
|
Падабаецца
Не падабаецца
|
|
|
2009–2021. Беларусь, Менск.
|
|
|
